Andrés Gil Municio
Biografía | |
---|---|
Nacemento | século XIX provincia de Segovia, España |
Morte | 24 de outubro de 1957 Madrid, España |
Datos persoais | |
País de nacionalidade | España |
Actividade | |
Ocupación | avogado , político |
Lingua | Lingua castelá |
Andrés Gil Municio, nado na provincia de Segovia e finado en Madrid o 24 de outubro de 1957,[1] foi un avogado e político español, que fixo gran parte da súa carreira política en Galicia.
Traxectoria
[editar | editar a fonte]Irmán de Dámaso Gil Municio e procedente de Alameda del Valle (Segovia). Foi elixido deputado provincial polo distrito de Riaza-Sepúlveda en 1917 e 1921. Logo do seu matrimonio con Asunción Paradela en 1920 trasladouse a Monforte de Lemos, onde estivo vinculado ao movemento agrarista católico. Durante a II República traballou como delegado da Mutualidade Agropecuaria en Ourense.[2] Presidiu o Partido Agrario Español de Monforte e foi proclamado candidato para as eleccións de novembro de 1933.[3] Tivo enfrontamentos co alcalde Rosendo Vila Fernández. Participou no mitin do Bloque Nacional en Monforte nas eleccións de febreiro de 1936.[4] Puxo a estrutura do PAE ao servizo da conspiración contra a República, e o 21 de xullo de 1936 armou e mobilizou a algúns caseiros e afiliados do Sindicato Agrario de Monforte para axudar a Garda Civil a quebrar a resistencia ao golpe de Estado.[5] Posteriormente instalouse en Madrid onde desenvolveu a súa carreira como avogado, e regresaba a Fiolleda nos veráns[Cómpre referencia].
Vida persoal
[editar | editar a fonte]Casou en Madrid en xuño de 1920 con María de la Asunción Paradela Arias, filla de Alfredo Paradela Martínez e neta de Manuel Arias Rodríguez, que fora alcalde de Monforte de Lemos,[6] e tivo seis fillos: María Asunción, Andrés, Pedro, María Pilar, María Natividad e Francisco Javier Gil Paradela. Foi o avó de Fiorella Faltoyano.
Notas
[editar | editar a fonte]- ↑ Necrolóxica en ABC
- ↑ Memoria presentada por la presidencia de la Asociación General de Ganaderos de España Arquivado 16 de abril de 2014 en Wayback Machine..
- ↑ "Lugo. Proclamación de candidatos" in El Pueblo Gallego, 14-11-1933, p.14.
- ↑ La Voz de Galicia, 14-2-1936, p. 9.
- ↑ 'Veña encargarse do seu fillo que llo deixamos aí morto'
- ↑ El Norte de Galicia, 23-6-1920, p. 1.